E Bär uf em Outo

BE 643 466

Der Umzug i ds Ämmital hinterlaht sit hüt o a mim Outo Spure. Uf em Nümmerli isch jetz e Bärner Bär uf rotgälbem Grund z’gseh. Rückig und mit entschlossener Mine marschiert das Tier sim Ziel zue. Was het ächt dä Mutz im Sinn u wo wott är häre? Die Gedanke si mir düre Chopf, nachdäm i ds Nümmerli montiert u das stattliche Wappetier e Momänt gschouet ha. So-n-e Bär, dä weiss, was är wott u drum isch är gwüss e Glücksbringer uf em Wäg. O mir wünsche üs je meischtens nume eis, wenn mir uf der Reis si: Das mir glücklich u gsung wider hei chöme. U wenn de deheim öpper bsunderbar Liebs wartet, de isch dä Wunsche grad no einisch so gross…

Gäll Bäri, Du luegsch geng guet uf e Wäg, wenn mir zäme uf der Fahrt si.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.